| Curso de Teleoperador/a dirixido a inmigrantes e emigrantes retornados en Gondomar |
 A Asociación de Empresarios A Pasaxe de Gondomar vén de abrir o prazo para se inscribir no curso de formación laboral de Teleoperador/a dirixido a inmigrantes e emigrantes retornados/as.Cos obxectivos de facilitar a integración da poboación inmigrante no mercado laboral e de promover a súa reciclase e formación continua, aumentando así a súa competitividade, a Asociación de Empresarios oferta este novo cursiño que terá lugar no Polígono Industrial A Pasaxe, en Vincios (Gondomar).
O curso terá unha duración de 60 horas lectivas que se desenvolverán ó longo dos meses de outubro e novembro en horario de tarde. A participación será gratuíta previa inscrición no mesmo. As prazas para realizar o curso de formación están limitadas para 15 alumnos.
O curso amosa os conceptos básicos e normas a adoptar polos teleoperadores durante a conversa cos clientes. Explícase como iniciar as chamadas telefónicas, o xeito de acceder e escoitar ao interlocutor válido, ver que necesidades ten e mostrar os beneficios do produto co fin de pechar unha entrevista ou venda. Tamén móstrase como tratar aos clientes en servizos como o soporte técnico ou o departamento de reclamacións.
Programa
-Contacto telefónico inicial co cliente Describe a forma de iniciar unha chamada telefónica, como presentarse e presentar o produto, así como as normas a seguir para realizar unha escoita efectiva para coñecer as necesidades do cliente. -Elementos e técnicas que inflúen na comunicación Mostra a importancia dunha serie de factores que inflúen na comunicación do teleoperador co seu interlocutor, como a actitude, a entoación, articulación e ritmo na voz. Trata tamén da técnica de parafrasear e sondar ao cliente para coñecer as súas necesidades e como mostrar características e beneficios do produto. -Realizar unha comunicación efectiva Móstranse os pasos a seguir nunha chamada telefónica para poder acceder á persoa axeitada ou ó interlocutor válido ó que presentar a empresa e o produto. Explica tamén como actuar fronte un contestador telefónico para deixar unha mensaxe suxestiva e como e cando acadar o peche da entrevista ou venda. -Resolución de problemas Explica a forma de tratar aos clientes por parte do teleoperador/a que atende as chamadas entrantes en servizos como consultas e reclamacións. -Evaluando situacións prácticas Mostra exemplos ou situacións que teñen lugar no traballo dun teleoperador para analizalas: descrición do traballo previo á chamada, actitude mental e física antes de comezar, normas a seguir na contestación de chamadas de clientes e tipo de mensaxes nos contestadores. Que sondaxes facer en función dos comentarios dos clientes e como presentar beneficios axeitados. Explícase tamén como actuar fronte ás diferentes actitudes dos clientes e dase un compendio de consellos que amosan as características que debe ter un bo teleoperador/a. -Módulo de Formación para a Igualdade Horarios: luns, mércores e xoves de 16:00 ás 19:30 horas. Dende o primeiro de outubro e ata o 11 de novembro.
Inscrición: Este enderezo de correo-e está protexido contra spam bots, necesitas ter o Javascript activado para podelo ver / Este enderezo de correo-e está protexido contra spam bots, necesitas ter o Javascript activado para podelo ver Máis información: Asociación de Empresarios A Pasaxe
Polígono Industrial A Pasaxe
Rúa Outeiro do Ferro, nº 61
Vincios - Gondomar Teléfono: 986468196 |
|
| Última actualización ( 25/09/2009 ) |