| Cursos sobre a Xestión de Residuos e a Calidade e Seguridade Alimentaria en Vilagarcía |
 A Cámara Oficial de Comercio, Industria e Navegación de Vilagarcía de Arousa organiza dous cursos que terán lugar os venres e sábados, do 22 de outubro ao 20 de novembro, na propia sede da entidade.-O obxectivo do curso sobre a Xestión de residuos é que o alumnado adquira coñecementos básicos, tanto teóricos como prácticos, sobre a xestión dos residuos que se xeran nas demolicións e na construción, para a súa posterior posta en práctica, e informar aos técnicos que participan na xestión de obras e proxectos.
-Os obxectivos do curso sobre a Calidade e seguridade alimentaria son: afondar nas necesidades e esixencias en materia de seguridade alimentaria, identificar os principais protocolos que se demandan á industria alimentaria, comprender e integrar os requisitos de seguridade alimentaria esixidos ao sector, coñecer os principios dos APPCC como sistema preventivo para asegurar a inocuidade dos alimentos, así como coñecer as diferentes normas e protocolos privados de seguridade alimentaria.
Máis información:
Begoña Lorda Cancelo Cámara Oficial de Comercio, Industria e Navegación de Vilagarcía de Arousa Avda. Doctor Tourón 46, 36600 Vilagarcía de Arousa Tfno.: 986 56 52 86 Fax: 986 50 06 21 www.camaravilagarcia.com |
|
| Última actualización ( 20/10/2010 ) |