| Ferrol acolleu unha nova xuntanza entre técnicos de emprego e de Igape e a UPD Coordiina Local |
 Ferrol acolleu unha nova xuntanza de axentes de emprego, por un lado, e técnicos do Igape e da UPD Coordina Local, por outro. O obxectivo destas reunións de traballo, que se están a celebrar en diferentes puntos de Galicia, é difundir entre os técnicos de emprego e desenvolvemento local os produtos do Igape para apoio aos emprendedores e as liñas de financiamento para empresas. Neste encontro participaron un total de 22 axentes de diversos concellos e entidades de Ferrolterra.Santiago, 2 de outubro de 2008.- Técnicos do Instituto Galego de Promoción Económica (IGAPE), da Consellería de Economía e Facenda, reuníronse hoxe con axentes de emprego de varios concellos e entidades da área de Vigo e o sur da provincia de Pontevedra, para mellorar e ampliar os seus coñecementos sobre as axudas para emprendedores e as liñas de financiamento dispoñibles para as empresas. O obxectivo destes encontros, que están a ter lugar en diferentes puntos de Galicia, é familiarizar aos axentes con estas ferramentas, para que fagan chegar esta información aos emprendedores e empresarios da súa zona de influencia, e manter ou mesmo incrementar así o dinamismo na actividade das pemes xa existentes e as de nova creación, unha iniciativa que se considera de especial interese tendo en conta a actual situación económica. Nesta xuntanza de traballo de Vigo participaron un total de 22 axentes que traballan en diversas entidades e concellos da provincia. Entre eles os procedentes de A Guarda, Baiona, Fornelos de Montes, Nigrán, Gondomar, Redondela, Pazos de Borbén, Mondariz, Salceda de Caselas, Porriño e Mos, ademais dos que se ubican en diferentes entidades con sede na propia cidade olívica. UPD Coordina Local A planificación, programación e organización destas reunións corresponde á Unidade de Promoción e Desenvolvemento (UPD) Coordina Local, un grupo de traballo impulsado conxuntamente por IGAPE-BIC Galicia, da Consellería de Economía e Facenda, e a Consellería de Traballo. A tarefa fundamental desta UPD é difundir as ferramentas e servizos para apoiar a creación de empresas e a súa consolidación. Neste sentido, coordina e asesora aos axentes de emprego en relación con iniciativas como as actividades formativas de BIC Galicia, que buscan desde difundir a cultura da creación de empresas ata favorecer a maduración de ideas de negocio e a planificación e a xestión empresariais. |
|
| Última actualización ( 07/10/2008 ) |