|
Formación específica para Axentes de Promoción Económica |
|
A UPD mantén abertos os prazos de preinscrición para a Formación específica para Axentes de Promoción Económica
Dende a plataforma de capacitación profesional para Técnicos de Promoción Económica de Galicia, aloxada en http://www.bicgalicia.es/aedls/, comunicámosche que no catálogo de accións tes dispoñible a programación a celebrar no último trimestre do ano.
As accións que aparecen no catálogo non teñen datas de realización, pero se estás interesado nalgunha delas, pregámosche realices a correspondente preinscrición, co motivo de que podamos ver a demanda existente no territorio e, deste xeito, organizar as accións nos lugares de máis demanda, e xa sinalar os lugares de celebración acompañados das datas correspondentes.
Despois de realizada unha preinscrición neste campus virtual, recibirás unha mensaxe de que se realizou de forma correcta. As admisións realízanse por rigorosa orde de inscrición e, se es admitido como alumno, recibirás no teu correo electrónico as claves de acceso, cunha antelación de 5 días á data de inicio do curso.
No caso de non poder asistir á acción formativa na que fuches admitido, situación que xa se produciu nalgún caso, rogamos no lo comuniques, á maior brevidade posible, ao seguinte correo electrónico:
Este enderezo de correo-e está protexido contra spam bots, necesitas ter o Javascript activado para podelo ver
, para poder dispoñer dese posto e ofrecerllo á seguinte persoa da lista.
Se tes algunha incidencia no acceso, pregámoste respondas a este mesmo correo, ou ben, comunícate cos xestores desta plataforma no 981 523 054.
|
|
Última actualización ( 18/08/2010 )
|
|
|
Un esforzo común, unha meta común: a creación
de empresas e a súa consolidación.
Este espazo en internet quere ser unha xanela aberta á comunicación da Rede de técnicos de Emprego espallados por toda Galicia,
e de todos aqueles profesionais especializados na creación de empresas e
apoio a emprendedores.
Trátase de dotar á Rede dunha ferramenta útil que preste apoio aos seus
membros e contribúa a facer máis doado o seu traballo. Ao tempo, búscase
mellorar o coñecemento e a comunicación entre todos, para beneficiarse
do "saber facer" común.
Con esta vocación compartida naceu a UPD Coordina Local, que continúa na
UPD Coordina Local II, promovida nesta segunda etapa polo BIC Galicia e
a Consellería de Traballo e Benestar.
Os obxectivos da UPD, mellorar a coordinación e proporcionar un apoio a
todos os técnicos que apoian emprendedores, intentaránse desenvolver
tamén nesta web.
Esperamos a vosa participación.
|
|
Última actualización ( 14/07/2010 )
|
|
|
Xornadas de presentación do XATEmprego, nova ferramenta informática para AEDL |
 A Unidade de Promoción e Desenvolvemento Coordina Local presenta esta semana a nova ferramenta informática para Axentes de Emprego e Desenvolvemento Local XATEmprego.
Unha das obrigas que teñen os AEDL é a elaboración dunha memoria descritiva das actividades realizadas. Con esta finalidade a UPD Coordina Local creou e puxo en marcha o XATEmprego, un novo sistema telemático de elaboración e xestión de actividades que permite avaliar, en tempo real, as actuacións desenvolvidas polos/as Axentes de Emprego e Técnicos de Promoción Económica.
Para dar a coñecer a nova ferramenta, a UPD Coordina Local organizou catro xornadas de presentación que se celebrarán en cada unha das provincias galegas. Así, mañá martes será o turno de Ourense e A Coruña, mentras o mércores terá lugar en Lugo e Pontevedra. Todas as xornadas comezarán ás 10h da mañá e terán un caracter informativo.
|
|
Última actualización ( 14/12/2009 )
|
|
Ler máis...
|
|
|
Presentación do proxecto "Red-Genera: xestión de residuos Galicia-Norte de Portugal" en Ourense |
 A Cámara de Comercio de Ourense organiza a presentación do proxecto "Red- Genera" sobre a xestión dos residuos empresariais na Eurorrexión Galicia-Norte de Portugal. Un acto que terá lugar o vindeiro día 15 de decembro na sede da Cámara de Ourense ó longo de todo o día.
O proxecto responde á dobre necesidade de previr a produción de residuos industriais e valorizalos a través do reciclado, a reutilización de materiais para outros procesos ou a valorización material ou enerxética, identificando os refugallos que poden poseer maior valor engadido no mercado.
Os nove socios que conforman a "Red-Genera" constituirán unha rede de traballo co obxectivo de dinamizar a Eurorrexión, promovendo iniciativas innovadoras orientadas á prevención en orixe da contaminación orixinada polos refugallos e propondo novas iniciativas empresariais para a súa valorización.
|
|
Última actualización ( 10/12/2009 )
|
|
Ler máis...
|
|
|
Xornadas Técnicas de Empresas de Inserción Laboral en Santiago de Compostela |
 O Concello de Santiago e Máiscompostela, en colaboración coa Asociación Plataforma polo Emprego, organizan unha xornada formativa sobre empresas de inserción laboral que se celebrará o vindeiro 14 de decembro no Pazo de Congresos e Exposicións de Santiago de Compostela.
Con esta "Xornada Técnica sobre Empresas de Inserción Laboral", preténdese promover un lugar de encontro para todas aquelas persoas que dende o mundo da empresa, das institucións públicas, das entidades sindicais e do tecido asociativo, están involucradas na loita contra a exclusión social.
Un espazo que permita a técnicos e profesionais do ámbito da promoción do emprego e a inclusión social, reflexionar e dialogar sobre cuestións relativas a como romper a inercia da non corresponsabilidade na xeración de emprego para os máis desfavorecidos e excluídos.
|
|
Última actualización ( 04/12/2009 )
|
|
Ler máis...
|
|
|
O Igape leva os programas para financiamento das empresas á Feira dos Autónomos de Galicia |
 Directivos e técnicos do IGAPE informarán polo miúdo, nun acto público que se desenvolverá no auditorio de Expocoruña hoxe venres ás 13 horas, sobre as características dos programas re-Brote e re-Solve, habilitados pola Consellería de Economía e Industria para facilitar o financiamento do circulante que precisan as empresas e os autónomos.
Estes plans, xestionados polo Instituto que preside o conselleiro Javier Guerra, conforman unha das principais accións do Plan de Choque deseñado pola Xunta de Galicia para facer fronte á crise e prevese que permitan mobilizar 400 millóns de euros para facilitar o financiamento de circulante a autónomos, microempresas e empresas galegas.
O acto desenvolverase na XVI Feria de Muestras da Coruña FEMAGA 2009, organizada pola Federación de Autónomos de Galicia (FEMAGA), que se celebra dende hoxe e ata o vindeiro 8 de decembro no recinto de Expocoruña. Unha feira que acolle nesta edición un total de 7 salóns sectoriais, o que fará aumentar o número de expositores e profesionais que acudan á feira.
|
|
Última actualización ( 04/12/2009 )
|
|
Ler máis...
|
|
|
