UPD Coordina Local

A Fundación Ferrol Metrópoli e BIC GALICIA organizan o "Seminario de Motivación Emprendedora" cos seguintes obxectivos:

· Fomentar o espíritu emprendedor
· Ver o autoemprego como unha opción máis.
· Expoñer unhas nocións básicas do proxecto empresarial.
· Romper co mito da definición do concepto de empresario.
· Explicar con que recursos e ferramentas se pode contar dende o BIC Galicia, para aquelas persoas que están pensando en emprender.

 

O Concello de Tomiño en colaboración co BIC GALICIA organiza o "Seminario de Xeración e Maduración de Ideas" co obxectivo de xerar ideas de empresa, maduralas para convertilas en ideas empresariais e avalialas de maneira sinxela.

Vai destinado a traballadores/as en desemprego e en activo, sexan ou non empresarios e estudantes maiores de 16 anos.

Celebrarase os días 25, 29 de novembro, e o 2 de decembro de 2011.

O horario é de 16:30 á 21:30 e impartirase no Edificio Escola Obradoiro, Subida ao Regatiño, s/n – Goián, 36750 TOMIÑO.

 

 

A Asociación Jóvenes Empresarios de Lugo-AJE LUGO convoca o III Premio Xoven Empresario de Lugo.

Dita convocatoria ten como obxectivos:
- Fomentar a cultura empresarial.

- Apoiar e estimular aos novos emprendedores.

- Promover o autoemprego e a creación de empresas entre a sociedade lucense.

- Ser foro de debate de ideas empresariais.

- Colaborar no desenvolvemento do noso contorno.

- Propiciar o intercambio de experiencias empresariais entre os  mozos empresarios.
 

O Concello de  A CAÑIZA organiza o "XLIX Curso de Saúde Ambiental" cos seguintes obxectivos:

- Integración da dimensión dos aspectos ambientais da saúde na formación e reciclaxe de técnicos en medio ambiente e saúde, coa finalidade de actualizar a súa formación e adecuar as esixencias que demanda a sociedade actual, para que contribúa a mellorar a xestión e as condicións de vida urbana dos cidadáns.
- Establecer un foro de debate e estudo da situación ambiental da Comarca da Paradanta, dos seus problemas e carencias que se consideran máis importantes, así como das posibles solucións que se deberán adoptar; ademais de permitir a cooperación e o diálogo entre todos os axentes sociais implicados no tema, fomentando a creación de núcleos de sostibilidade.

 

A Fundación Laboral da Construcción e a Universidade de Santiago de Compostela organizan o "Máster en Dirección e Xestión da Formación" co obxectivo de formar expertos en dirección e xestión da formación para institucións e empresas.

Vai dirixido a Titulados universitarios (diplomados ou licenciados), ou alumnos no último ano do grao, que obteñan a titulación con anterioridade á data de finalización do máster. Persoas desempregadas ou ocupadas.

 

Compostela Monumental organiza o "VI Congreso do Comercio Compostela Monumental" co obxecto de dar a coñecer as novas iniciativas do comercio minorista e impulsar e consolidar as Pemes tradicionais coa idea de que o comercio faga cidade.

Vai destinado ao público en xeral e celebrarase o 15 de novembro no Salón de Actos da Confederación de Empresarios de Galicia na rúa do Vilar, 54 baixo, Santiago de Compostela.