UPD Coordina Local

A Secretraría Xeral da Emigración organiza esta xornada co obxectivo de ofrecer unha visión práctica das políticas de emprego que se están a desenvolver no eido da emigración. Co subtítulo de Experiencias e orientacións prácticas, búscase que os participantes podan intercambiar coñecementos e boas prácticas en pequenos grupos de traballo.

 

Pola mañá exporase a situación das terefas que se están a desenvolver para a modificación da Lei de Estranxeiría; asemade, presentaranse experiencias de inserción sociolaboral realizadas en varias Comunidades Autónomas. Xa pola tarde será a quenda dos obradoiros, moderados por expertos, sobre diversas materias: economía social, emprendemento e orientación e intermediación laboral.

 

A xornada terá lugar o vindeiro 27 de outubro, na sede da Escola Galega da Administración Pública, en Santiago de Compostela. É necesaria inscrición previa, ata completar o aforo de 100 participantes (33 en cada obradoiro).

 

 

 

O Pazo de Feiras e Congresos de Lugo acollerá unha xornada de debate e análise sobre o fenómeno social de Internet e a súa repercursión no sector empresarial. Baixo o título "Web 2.0, ¿moda ou realidade empresarial?" terá lugar unha nova xornada demostrativa do Proxecto Emprende TIC 2009, programa da Fundación CEL que quere achegar aos emprendedores/as e novos/as empresarios/as as tecnoloxías da información e da comunicación. 

 

Ó longo da tarde realizarase un percorrido polas ferramentas tecnolóxicas de comunicación máis innovadoras, dende o sms ás redes sociais, analizando o fenómeno da socialización en Internet e a explosión das redes sociais co obxectivo de mostrar a súa utilidade empresarial, así como as súas implicacións sociais, legais e comerciais.

 

A xornada celebrarase o vindeiro xoves, 22 de outubro, a partir das 19:00 horas. É necesaria inscrición previa.

A Cámara de Comercio e Industria de Lugo organiza unha xornada informativa sobre o Programa da UE "Adaptación da Empresa á Economía Dixital".
 
Trátase dunha iniciativa de ámbito estatal dirixida a promover a incorporación das TIC (Tecnoloxías da Información e da Comunicación) nos procesos de traballo das pequenas e medianas empresas. 
 
A xornada terá lugar o vindeiro 22 de outubro na sede da Cámara de Lugo en horario de mañá, a partir das 12hs. Para asistir haise que inscribir xa que o aforo é limitado.

 

O programa, promovido polo Consello Superior de Cámaras, está incluído nos Programas Operativos para as rexións de Converxencia no seu Eixe 2 “Desenvolvemento e Innovación Empresarial”, estando cofinanciado polo Fondo Europeo de Desenvolvemento Rexional (FEDER) e polo Ministerio de Industria, Turismo e Comercio.

O Concello de Santiago de Compostela e o BIC Galicia organizan unha nova edición da Xornada "Emprende en Compostela" que se celebrará o vindeiro 27 de outubro no Pazo de Exposicións e Congresos de Galicia.

 

Baixo o título de "Estratexias para o emprendemento en tempo de crise", a xornada está dirixida ás persoas interesadas en desenvolver un proxecto empresarial nos vindeiros anos e ás que están dando os seus primeiros pasos ó fronte dunha empresa ou proxecto emprendedor.

 

Este ano conta cun novo espazo de promoción para aquelas empresas de Santiago de Compostela no que poderán informar ós asistentes e entidades participantes sobre oo servizos e produtos que ofrecen.

 

 

 

O Instituto Galego de Promoción Económica, IGAPE, é o organismo da Xunta de Galicia encargado da xestión das axudas ó financiamento do circulante subsidiado e avalado para autónomos e microempresas do Plan Re-Solve.

 

Trátase de axudas en réxime de concorrencia non competitiva dirixidas ás microempresas con domicilio fiscal en Galicia, ós autónomos e ás agrupacións de persoas físicas ou xurídicas, ás comunidades de bens ou calquera outro tipo de unidade económica ou patrimonio separado que, aínda carecendo de personalidade xurídica, poidan levar a cabo as actividades ou se atopen na situación que motiva a concesión da axuda.

 

O IGAPE respalda operacións novas de financiamento de circulante (pólizas de crédito e de préstamo), avalando ante as Sociedades de Garantía Recíproca (SGR) un 25% do seu risco, para que estas, á súa vez, avalen ante as entidades financeiras un 90%. O IGAPE farase cargo da comisión de aval e de estudo das SGR, de xeito que a súa participación sexa sen custo para o solicitante do préstamo.

 

 

O Instituto Galego de Promoción Económica, IGAPE, é o organismo da Xunta de Galicia encargado da xestión das axudas ó circulante para empresas do Plan Re-Brote, liña de avais para o acceso a financiamento operativo adicional a través de liñas de crédito, de desconto, factoring e confirming.

 

Trátase de axudas, en réxime de concorrencia non competitiva, dirixidas as empresas con domicilio social e fiscal en Galicia que non se atopen en situación de crise, que desenvolvan unha actividade subvencionable e que presenten un proxecto obxecto do financiamento avalado que sexa considerado viable e dentro dos límites de risco asumibles polo IGAPE.

 

O IGAPE poderá garantir operacións de financiamento novas, excluíndo expresamente a substitución de créditos bancarios preexistentes. Cada unha das subvencións poderá ser concedida por unha entidade financieira asinante do Convenio ou ben por un sindicato bancario formado por entidades asinantes do mesmo.

 

O prazo de presentación de solicitudes finalizará o 30 de decembro do 2009.