UPD Coordina Local

Un total de 8 representantes doutras tantas cooperativas participarán os vindeiros días 29 e 30 de outubro nas Xornadas de Cooperativismo e Emprego que organiza o Concello de Culleredo (A Coruña), a través da súa área de Formación e Emprego, coa colaboración da Dirección Xeral de Relacións Laborais da Consellería de Traballo.

O evento terá lugar no Centro Municipal de Formación e Emprego “Pablo Picasso”, na rúa Antonio Machado s/n de O Burgo, en horario de tarde, a partir das cinco menos cuarto. A inscrición é gratuita e as prazas limitadas. Os interesados poden anotarse a través do correo electrónico Este enderezo de correo-e está protexido contra spam bots, necesitas ter o Javascript activado para podelo ver , no teléfono 981 664 204 ou no fax 981 661 030. Entregarase certificado de asistencia.

O Salón de Actos do edificio multiusos do Concello do Barco de Valdeorras (Ourense) acolleu o último dos seminarios previstos sobre produtos básicos do IGAPE para emprendendores. A esta xuntanza asistiron un total de 15 técnicos de emprego e axentes de desenvolvemento local desta bisbarra e do oriente ourensán. Recibiron explicacións, por parte de técnicos do propio IGAPE e da UPD Coordina Local, sobre as axudas para emprendedores e as liñas de financiamento dispoñibles para as empresas. Con este encontro péchase a serie de dez seminarios celebrados en diferentes puntos de Galicia nas últimas dúas semanas.

O penúltimo dos dez seminarios sobre "produtos básicos IGAPE para emprendedores" organizados polo propio Instituto Galego de Promoción Económica e a UPD Coordina Local, que se están a celebrar por toda Galicia, tivo lugar hoxe en Burela, na Mariña lucense. En total, participaron 11 axentes de diferentes concellos e entidades desta comarca litoral luguesa. Mañá xoves pecharánse na vila ourensá do Barco de Valdeorras estas reunións de traballo, que teñen como principal obxectivo difundir as axudas para emprendedores e as liñas de financiamento para empresas do Instituto Galego de Promoción Económica.

Amosar aos empresarios solucións para aforrar enerxía e optimizar o seu consumo. Este é o obxectivo fundamental do Obradoiro Aplicado que organiza o Departamento de Innovación da Cámara de Comercio de Ferrol, coordinado por Bruno Casal, técnico da rede. Terá lugar o vindeiro martes, 14 de outubro, no salón de plenos da sede cameral, en horario de cinco a oito da tarde. A asistencia é gratuita. As prazas son limitadas, e serán atendidas por riguroso orden de recepción de solicitudes dirixidas a Este enderezo de correo-e está protexido contra spam bots, necesitas ter o Javascript activado para podelo ver .

Dentro dos seminarios programados polo Igape e a UPD Coordina Local para difundir os produtos básicos do Instituto Galego de Promoción Económica, un grupo de técnicos de emprego da área de Vigo coñeceron hoxe estas ferramentas. O encontro tivo lugar no Edificio administrativo da Xunta de Galicia na cidade olívica, coa participación dun total de 22 axentes de emprego e desenvolvemento local da área metropolitana.