| Lei 35/2010 de medidas urxentes para a reforma do mercado de traballo |
 O sábado 18 de setembro publicouse no BOE a Lei 35/2010, de 17 de setembro, de medidas urxentes para a reforma do mercado de traballo, que segundo establece o seu preámbulo, ten como obxecto contribuír á redución do desemprego e a incrementar a produtividade da economía española.
Estes obxectivos específicos están recollidos nos catro capítulos dos que consta esta norma:
-CAPÍTULO I. Medidas para reducir a dualidade e a temporalidade do mercado de traballo.
-CAPÍTULO II. Medidas para favorecer a flexibilidade interna negociada nas empresas e para fomentar o uso da redución de xornada como instrumento de axuste temporal do emprego.
-CAPÍTULO III. Medidas para favorecer o emprego dos xoves e das persoas desempregadas.
-CAPÍTULO IV. Medidas para a mellora da intermediación laboral e sobre a actuación das empresas de traballo temporal.
Esta lei modifica, entre outras, as seguintes normas laborais:
-Texto Refundido da Lei do Estatuto dos Traballadores, aprobado por Real Decreto Lexislativo 1/1995, de 24 de marzo.
-Texto refundido da Lei Xeral da Seguridade Social, aprobado por Real Decreto Lexislativo 1/1994, de 20 de xuño.
-Texto refundido da Lei sobre Infraccións e Sancións na orde social, aprobado por Real Decreto Lexislativo 5/2000, de 4 de agosto. -Lei 56/2003, de 16 de decembro, de Emprego.
Máis información:
Lei 35/2010, de 17 de setembro, de medidas urxentes para a reforma do mercado de traballo
|
|
| Última actualización ( 21/09/2010 ) |