UPD Coordina Local

 

A Asociación de Desenvolvemento da Comarca de Bergantiños convoca a 1ª Edición do Concurso Fotográfico “Comarca Natural de Bergantiños”, unha iniciativa coa que se pretende poñer en valor o territorio, os oficios, a natureza, a etnografía, a xente e o desenvolvemento da bisbarra bergantiñá.

 

A participación está aberta a todas as persoas físicas maiores de idade, así como aos menores con idade igual ou superior aos 16 anos coa correspondente autorización do/a seu/súa titor/a ou representante legal.

 

O prazo para presentar as candidaturas estará aberto ata o vindeiro 31 de outubro de 2011 e estas deberán presentarse nas oficinas do GDR “Asociación de Desenvolvemento da Comarca de Bergantiños” localizadas no lugar A Camposa, s/n en Buño (Centro Comarcal de Bergantiños), en horario de 9:00 a 14:00 h. de luns a venres.

 

A Unión de Cooperativas de Traballo Asociado – UGACOTA, en colaboración coa Fundación Coren, promove o obradoiro "Habilidades para o emprendemento feminino" no marco da programación de actividades do Centro de Desenvolvemento Cooperativo de Razamonde- Cenlle, dentro da REDE EuSumo.

 

O obxecto desta actividade é axudar ás participantes a desenvolver as habilidades persoais claves na capacidade emprendedora e coñecer a fórmula cooperativa e as súas posibilidades para o emprendemento feminino. Ao remate da formación proponse unha visita cooperativa para coñecer experiencias de emprendemento cooperativo feminino.

 

Celebrarase entre o 29 de agosto e o 2 de setembro en horario de 9:30 a 14:30 no Centro de Desenvolvemento Cooperativo da Fundación Coren, Estrada Nacional 120, Razamonde, nº 41, Cenlle - Ourense

 

Esta actividade diríxese a mulleres que queiran desenvolver as súas habilidades persoais para a creación dunha empresa baixo a fórmula cooperativa.

EXPOURENSE organiza o 8º Salón do Transporte e a Loxística "NORTRANS".

NORTRANS está consolidado como punto de encontro do ámbito do transporte de viaxeiros e mercadorías do noroeste peninsular. NORTRANS, dende o punto de vista das empresas provedoras, convértese nunha oportunidade para reforzar o posicionamento de marca, presentando na feira tanto vehículos de mercadorías como de viaxeiros e outros servizos, aproveitando para contactar directamente cos seus potenciais clientes e coñecer as súas necesidades, tratando de impulsar e facilitar a procura de respostas innovadoras e alternativas para axudar ás empresas a afrontar os retos presentes e futuros.

Vai dirixido aos Profesionais do sector do transporte e da loxística, así como das empresas auxiliares.

Celebrarase os días 2 e 3 de setembro do 2011 en horario de 11:00 h. a 14:30 h. e de 16:00 h. a 20:00 h en Expoourense, Finca Sevilla, s/n 32005 Ourense.

O Concello de Cortegada organiza a "II Feira de Artesanía de Cortegada" co obxectivo de promover o patrimonio etnográfico e os recursos propios de Cortegada, tanto paisaxísticos coma gastronómicos ou culturais; a través da exposición de varios postos artesanais e diversas actividades que terán lugar ao longo de todo o día.

 

Celebrarase o próximo 21 de agosto de 2011 dende as 11:00 ata as 19:00 horas na Praza Pública Buenos Aires.