| Programa de Formación de Emprendedores no Comercio da Cámara de Comercio de Pontevedra |
 A Cámara de Comercio de Pontevedra oferta un novo Programa Formativo no que poderán participar de xeito gratuíto máis de 20 emprendedores/as ou comerciantes xa establecidos/as.O Programa Formativo Emprendedores no Comercio ten como obxectivo o de capacitar ó/á emprendedor/a para valorar a viabilidade da súa idea e poñela en marcha, ademais de saber rendabilizala ó máximo se xa está funcionando.
Con 200 horas de formación, o Programa ten un contido teórico e práctico que abarca as distintas áreas do negocio, dende a elaboración dun plan estratéxico ata a súa posta en marcha e consolidación. O curso desenvolverase dende a outubro ata decembro.
Para poder participar haberá que reservar praza antes do vindeiro 5 de outubro, entrando no proceso de preselección que será realizado polo director de proxecto.
O Programa de Formación de Emprendedores no Comercio é unha iniciativa das Cámaras de Comercio, co apoio económico do Fondo Social Europeo e mailo Ministerio de Industria, Turismo e Comercio.
Un programa que ten o obxectivo de crear emprendedores/as modernos e formados no sector do Comercio co fin de combater a alta taxa de desaparición de pequenas empresas comerciais nos primeiros anos da súa existencia.
Metodoloxía:
- Plan formativo mixto: formación presencial e apoio en liña. - Actividades destinadas a novos emprendedores e a sucesores de establecementos. - Accións formativas de carácter práctico. 200 horas en tres bloques temáticos: diagnóstico previo, impartición presencial e apoio en liña. As inscricións poderanse efectuar facilitando os datos de contacto en:
•Viveiro de Empresas da Cámara e Comercio R/ García Camba, 8 – 1ºEsq – Pontevedra Tlf.:986 10 95 89 Este enderezo de correo-e está protexido contra spam bots, necesitas ter o Javascript activado para podelo ver Este enderezo de correo-e está protexido contra spam bots, necesitas ter o Javascript activado para podelo ver •Cámara de Comercio de Pontevedra Xardíns de Vincenti, 4-2º - Pontevedra Tlf.: 986 86 86 03 Este enderezo de correo-e está protexido contra spam bots, necesitas ter o Javascript activado para podelo ver |
|
| Última actualización ( 16/09/2009 ) |