UPD Coordina Local

Co obxectivo de analizar e describir o procedemento axeitado para acceder ó financiamento público de proxectos de I+D+i, BIC Galicia organiza o obradoiro "Fondos Tecnolóxicos: estratexia a seguir para o financiamento de grandes proxectos de I+D+i consorciados" que se celebrará en Santiago de Compostela o vindeiro 2 de decembro.

 

BIC Galicia é un dos organismos cos que conta a Consellería de Economía e Industria para fomentar e facilitar a actividade emprendedora, así como a competitividade das empresas galegas. Dando cumprimento a estes obxectivos, o Centro Europeo de Empresas e Innovación de Galicia (BIC Galicia), organiza este seminario para fomentar a cultura da cooperación no eido da investigación e o desenvolvemento tecnolóxico, promovendo de xeito especial unha maior participación das PEMES en proxectos asociativos de diferente envergadura.

 

Cunha metodoloxía mixta teórico-práctica, ó longo da xornada destacados profesionais describirán o procedemento xeral para acceder a este tipo de fondos, utilizando como soporte o Manual para a presentación de proxectos consorciados, dentro do Programa Operativo de I+D+i Fondo Tecnolóxico. Os asistentes poderán participar nunha dinámica de grupo para realizar un caso práctico de constitución dun proxecto consorciado.

 

 

PROGRAMA

10:00‐10:15h. Recepción de asistentes e entrega de documentación
10:15–10:30h. Apertura e presentación do seminario
10:30–11:00h. Financiamento CDTI a proxectos empresariais de I+D+i. Actuacións xerais do CDTI no marco da I+D+i.
Carlos Ignacio Franco Alonso, Departamento de Coordinación e Dinamización do CDTI‐ Dirección de Tecnoloxía.
11:00–11:30h. Presentación do Fondo Tecnolóxico. Estratexia a seguir para a presentación de proxectos consorciados a este tipo de axudas.
Rubén Leboreiro Amaro, Director de COA Innovación, S.L.
11:30–12:00h. Pausa‐café
12:00–13:30h. Caso práctico de constitución dun proxecto de cooperación: dinámica de grupo.
13:30–14:00 h. Debate coloquio

 

 

Data: 2 de decembro do 2009.

 

Horario: 10:00 a 14:00h.

 

Lugar: Hotel Puerta del Camino. Santiago de Compostela.