UPD Coordina Local

A Unidade de Promoción e Desenvolvemento Coordina Local presenta esta semana a nova ferramenta informática para Axentes de Emprego e Desenvolvemento Local XATEmprego.

 

Unha das obrigas que teñen os AEDL é a elaboración dunha memoria descritiva das actividades realizadas. Con esta finalidade a UPD Coordina Local creou e puxo en marcha o XATEmprego, un novo sistema telemático de elaboración e xestión de actividades que permite avaliar, en tempo real, as actuacións desenvolvidas  polos/as Axentes de Emprego e Técnicos de Promoción Económica.

 

Para dar a coñecer a nova ferramenta, a UPD Coordina Local organizou catro xornadas de presentación que se celebrarán en cada unha das provincias galegas. Así, mañá martes será o turno de Ourense e A Coruña, mentras o mércores terá lugar en Lugo e Pontevedra. Todas as xornadas comezarán ás 10h da mañá e terán un caracter informativo. 

 

A través desta ferramenta perséguense os seguintes  obxectivos:
•Permitir aos/as Axentes un rexistro diario da súa actividade, permitindo obter unha información actualizada sobre a xestión e resultados dos servizos ofertados, facilitando o posterior tratamento dos datos, tanto dende o punto de vista cualitativo coma cuantitativo de cara á confección da memoria.
•Garantir a homoxeneidade na elaboración das memorias periódicas que os/as Axentes deben remitir á Consellería de Traballo e Benestar.
•Axudar ao/á Axente na xestión das súas actividades a partir da incorporación de utilidades tales como o recordatorio de tarefas pendentes, a posibilidade de realizar buscas en base a diferentes criterios, elaborar bases de entidades colaboradoras, confeccionar listados, etc.

Para a realización da memoria anual, os e as Axentes de Emprego e Desenvolvemento Local poderán acceder á nova aplicación XATEmprego dende a parte privada da web da UPD Coordina Local  co usuario e contrasinal que xa teñen.