| Xornadas Técnicas de Empresas de Inserción Laboral en Santiago de Compostela |
 O Concello de Santiago e Máiscompostela, en colaboración coa Asociación Plataforma polo Emprego, organizan unha xornada formativa sobre empresas de inserción laboral que se celebrará o vindeiro 14 de decembro no Pazo de Congresos e Exposicións de Santiago de Compostela.Con esta "Xornada Técnica sobre Empresas de Inserción Laboral", preténdese promover un lugar de encontro para todas aquelas persoas que dende o mundo da empresa, das institucións públicas, das entidades sindicais e do tecido asociativo, están involucradas na loita contra a exclusión social.
Un espazo que permita a técnicos e profesionais do ámbito da promoción do emprego e a inclusión social, reflexionar e dialogar sobre cuestións relativas a como romper a inercia da non corresponsabilidade na xeración de emprego para os máis desfavorecidos e excluídos.
O obxectivo da xornada é a análise por parte dos técnicos e profesionais na materia sobre cuestións como:
-Cal é a realidade, e as actuacións das empresas de inserción, e das súas entidades sociais promotoras, na situación actual do mercado de traballo.
-Promover a incorporación de cláusulas sociais nas licitacións públicas, para favorecer a inserción laboral de colectivos en situación de exclusión. -Afondar no papel que deben desempeñar as corporacións locais, para o desenvolvemento e implantación da Lei de Empresas de Inserción. -Potenciar a plena participación dos colectivos afectados por esta situación de exclusión, na definición de acción alternativas e proxectos xeradores de emprego. A xornada celebrarase ó longo de todo o día.
MÁIS INFORMACIÓN
OFICINA DE PROMOCIÓN ECONÓMICA E EMPREGO Este enderezo de correo-e está protexido contra spam bots, necesitas ter o Javascript activado para podelo ver PLATAFORMA POLO EMPREGO
Rúa Concheiros, nº 33, 1º 15703 Santiago de Compostela Telf: 981 580 506 Fax: 981 580 506 Este enderezo de correo-e está protexido contra spam bots, necesitas ter o Javascript activado para podelo ver |
|
| Última actualización ( 04/12/2009 ) |